PROF. Dr. NIKOLA JANKULOVSKI - THE KEYS OF PRESPA 2025 AWARD

​Проф. д-р Никола Јанкуловски е еден од најистакнатите медицински стручњаци и универзитетски професори во Македонија. Тој е редовен професор по хирургија на Медицинскиот факултет и ректор на Универзитетот „Св. Кирил и Методиј“ во Скопје во два последователни мандати (2016–2020 и 2020–2023).
Роден е на 4 март 1958 година во Ресен. Основното и средното образование ги завршува во Скопје, а студиите на Медицинскиот факултет ги започнува во 1976/77 година. По дипломирањето и завршувањето на лекарскиот стаж во 1984 година, добива стипендија за работа на хируршките клиники во рамки на Универзитетскиот клинички центар. Во 1990 година го положува специјалистичкиот испит по општа хирургија, а во 2009 и супспецијализацијата по абдоминална хирургија. Докторската дисертација ја одбранил во 2002 година, посветена на имунокомпетенцијата при билијарна опструкција.
Во текот на својата медицинска кариера, проф. Јанкуловски постојано е вклучен во напредна хируршка пракса на Клиниката за дигестивна хирургија. Истовремено, активно учествува во образованието на новите генерации лекари – прво како помлад асистент во 1988 година, а потоа преку изборите во наставно-научни звања: асистент (1991), доцент (2004), вонреден професор (2009) и редовен професор (2013).
Се усовршувал во повеќе светски реномирани здравствени и академски институции: Институтот за болести на дигестивниот систем во Белград (1996), Klinik im Park во Цирих (1999), Универзитетскиот медицински центар во Франкфурт (2000), болницата Хенри Мондор во Париз (2001), болниците St. Marks и Hammer Smith – Imperial College во Лондон (2002), AKH Клиниката во Виена (2004), Клиничкиот центар во Љубљана (2008), како и Универзитетската болница Umberto I во Рим (2004).
Неговиот организациски ангажман вклучува директорска позиција на Универзитетската клиника за дигестивна хирургија (2007–2009), по што следува и изборот за декан на Медицинскиот факултет (два мандати, 2009–2013 и 2013–2017), како и изборот за ректор на најстариот и најголем универзитет во земјата – УКИМ.
Проф. д-р Јанкуловски бил член или претседател на низа комисии и тела, меѓу кои: Комисијата за наука при УКИМ, Комисијата за судско-медицински вештачења, Кадровскиот одбор, Управниот одбор на Конгресниот центар на УКИМ – Охрид, Управниот одбор на Комората на вештаци, Комисијата за доделување на награди и признанија, Управниот одбор на Студентската поликлиника и други.
Меѓу неговите стручни и научни активности се вбројуваат членството во Европското здружение на дигестивни хирурзи, Американското здружение на абдоминални хирурзи (ASAS), како и Друштвото на колопроктолози. Автор е на над 150 научни и стручни трудови објавени дома и во странство, два медицински прирачника, и учесник/раководител во пет научноистражувачки проекти.
За своите заслуги, проф. Јанкуловски е добитник на највисоките национални признанија: државната награда „Св. Климент Охридски“ (2013), повелбата „Д-р Трифун Пановски“ од Македонското лекарско друштво (2015), државната награда за животно дело „11 Октомври“ (2015), Орденот на честа и уметност од прв ред на Австрија (2019), како и титулата Витез од Националниот ред за заслуги на Република Франција (2023).
Проф. д-р Јанкуловски со својата научна, едукативна и хируршка дејност оставил значаен белег во современата македонска медицина и високо образование.

​Prof. Dr. Nikola Jankulovski is one of the most prominent medical experts and university professors in Macedonia. He is a full professor of surgery at the Faculty of Medicine and Rector of the University "Sts. Cyril and Methodius" in Skopje for two consecutive terms (2016–2020 and 2020–2023).
He was born on March 4, 1958 in Resen. He completed his primary and secondary education in Skopje, and began his studies at the Faculty of Medicine in 1976/77. After graduating and completing his medical internship in 1984, he received a scholarship to work in the surgical clinics within the University Clinical Center. In 1990, he passed the specialist examination in general surgery, and in 2009, the subspecialization in abdominal surgery. He defended his doctoral dissertation in 2002, dedicated to immunocompetence in biliary obstruction.
 
Throughout his medical career, Prof. Jankulovski has been constantly involved in advanced surgical practice at the Clinic for Digestive Surgery. At the same time, he actively participates in the education of new generations of doctors – first as a junior assistant in 1988, and then through elections to teaching and scientific titles: assistant (1991), assistant professor (2004), associate professor (2009) and full professor (2013).
 
He trained at several world-renowned health and academic institutions: the Institute for Digestive Diseases in Belgrade (1996), Klinik im Park in Zurich (1999), the University Medical Center in Frankfurt (2000), the Henri Mondor Hospital in Paris (2001), the St. Marks and Hammer Smith – Imperial College hospitals in London (2002), the AKH Clinic in Vienna (2004), the Clinical Center in Ljubljana (2008), as well as the Umberto I University Hospital in Rome (2004).
 
His organizational engagement includes the position of director of the University Clinic for Digestive Surgery (2007–2009), followed by the election as dean of the Faculty of Medicine (two terms, 2009–2013 and 2013–2017), as well as the election as rector of the oldest and largest university in the country – UKIM.
 
Prof. Dr. Jankulovski was a member or president of a number of committees and bodies, including: the UKIM Science Committee, the Forensic Medical Expertise Committee, the Personnel Committee, the Board of Directors of the UKIM – Ohrid Congress Center, the Board of Directors of the Chamber of Experts, the Commission for Awarding Awards and Recognitions, the Board of Directors of the Student Polyclinic and others.
 
His professional and scientific activities include membership in the European Association of Digestive Surgeons, the American Association of Abdominal Surgeons (ASAS), as well as the Society of Coloproctologists. He is the author of over 150 scientific and professional papers published at home and abroad, two medical manuals, and a participant/leader in five scientific research projects.
 
For his merits, prof. Jankulovski is the recipient of the highest national awards: the state award "St. Kliment Ohridski" (2013), the charter "Dr. Trifun Panovski" from the Macedonian Medical Society (2015), the state award for lifetime achievement "October 11" (2015), the Order of Honor and Art of the First Class of Austria (2019), as well as the title of Knight of the National Order of Merit of the Republic of France (2023).
 
Prof. Dr. Jankulovski, with his scientific, educational and surgical activities, left a significant mark on modern Macedonian medicine and higher education.